اکھیاں دے دیوے ساڈے رو رو بل گئے۔۔۔۔۔۔سجنڑاں دی کنداں نال ٹہو لاکے کھل گئے۔۔۔۔۔۔۔۔۔۔۔خبرے کیڑی دنیا اچ گمیا دل دا اوہ جانی۔۔۔۔۔۔۔۔۔۔۔۔یاداں دے تیر اساں جائیوں جائیوں سَل گئے ۔۔۔۔۔ٹی جے

دل کڈ کے کہن گئی نال
کُڑی سوہنڑی ہزارے وال

سہناں سب کج چپ کرکے
پھرن سینے اتے سپ بنڑ کے
تیرے لمے لمے کالےوال

دل کڈ کے کہن گئی نال
کُڑی سوہنڑی ہزارے وال

بالا ں لمیاں جان پھسائی
میں ہوگیاں سودائی
جانی اُتے پیا جنجال

دل کڈ کے کہن گئی نال
کُڑی سوہنڑی ہزارے وال

تیری اکھیاں چَم چَم تارے
تیرے ہونٹھ سوہنڑے پیارے
ساری دُنیا تے ملے نہ مثال

دل کڈ کے کہن گئی نال
کُڑی سوہنڑی ہزارے وال

تیرے باد نئیں ہوننڑ گزارے
راتاں لنگیاں گنڑ گنڑ تارے
اساں لُٹیا اے تیرے جمال

دل کڈ کے کہن گئی نال
کُڑی سوہنڑی ہزارے وال

طاہر احمد طاہر


جدوں گلاں کُج گوڑ یاں ہوندیاں نیں
تاہیوں اکھیاں ٹپ ٹپ روندیاں نیں

اسی شہرِ وفا دے باسی ساں
تاہیوں ہر اک گل تے راضی ساں
کدوں دلاں دیاں پوریاں ہوندیاں نے

جدوں گلاں کُج گوڑ یاں ہوندیاں نیں
تاہیوں اکھیاں ٹپ ٹپ روندیاں نیں

اوہ شہرِ چناراں جتھے سپنے ہزاراں
لبھ جلیں تے گلاں میں کج ساراں
اکھاں اج وی تیرا راہ دیخدیاں نیں

جدوں گلاں کُج گوڑ یاں ہوندیاں نیں
تاہیوں اکھیاں ٹپ ٹپ روندیاں نیں

تیرے شہر دے ظالم لوک ایے سارے
مہاں لگنڑ نہ دتا انہاں کنارے
یاداں اج تک اتھرو پیاں بیچدیاں نیں

جدوں گلاں کُج گوڑ یاں ہوندیاں نیں
تاہیوں اکھیاں ٹپ ٹپ روندیاں نیں
طاہر احمد طاہر

اکھیاں دے دیوے ساڈے رو رو بل گئے۔۔
سجنڑاں دی کنداں نال ٹہو لاکے کھل گئے۔۔
خبرے کیڑی دنیا اچ گمیا دل دا اوہ جانی۔۔
۔یاداں آلے تیر جائیوں جائیوں سَل گئے ۔۔

یاداں
دیہاڑی راتی
عمر لنگدی جلے
لنگ گئی حیاتی
کدے وی اُس نے
مڑ کے نہ پائی
طاہر دار چہاتی
اوہ بچپن دا ساتھی
یاد آندا اے
بس دنے راتی


ہلے بی اے
شہرِ چناراں سامان دلے دے سکون دا
اوہ ہک سیت جدوں
منگیا معجزہ کن فیکون دا
شہر یاراں جتھے
محبتاں دا سفر ساڈا
کلہے کلہے لنگیا
جتھے کدی کسی دا
نال اساں ایہا منگیا
اوہ یار جومیرا ایہا
سپ بنڑ کے اسی سنڑ ڈنگیا
اُس وادیِ حسن بچ
اوہ یاداں دا
مزار باقی اے
اوہ سپنیاں تے خاباں دا
نکا جیا دربارباقی اے

I4I3I2I1I